24 منگل , اپریل 2018

حديبيه ملز ۾ 34 ملين ڊالر ڪٿان آيا، سوالن جا جواب نه پيا ڏنا وڃن: نعيم الحق

Naeem Al Haqاسلام آباد(ويب ڊيسڪ) تحريڪ انصاف جي اڳواڻ نعيم الحق چيو آهي ته حديبيه ملز ۾ 34 ملين ڊالر ڪٿان آيا، 15 سال ٿي ويا، ان سوال جو جواب ناهي ڏنو ويو. هن چيو ته ميان شريف پنهنجي ڪاروبار ۾ سمورن ٻارن کي شامل ڪندو هو. سپريم ڪورٽ جي اڱڻ ۾ ميڊيا سان ڳالهائيندي نعيم الحق چيو ته ميان شريف جيترا به ڪاروبار ڪيا، انهن ۾ سمورن ٻارن کي حصو ڏنو ويو پر نواز شريف سياست اچي چڪو هو ان ڪري ڄاڻي واڻي سندس نالو ٻاهر ڪڍيو ويو. هن چيو ته شريف ڪٽنب ۾ روايت آهي ته جيڪو به واپار شروع ڪندا آهن، ان ۾ سڄي فيملي هوندي آهي، ميان شريف به ائين ئي ڪيو ۽ سمورن ٻارن کي شامل ڪيو. هن چيو ته نواز شريف قطري خط کان پهرين ڪوشش ڪئي ته دبئي يا جده مان ڪجهه دستاويز ملي وڃن پر ائين نه ٿي سگهيو جنهن کان پوءِ نواز شريف جي هڪ نمائندي قطري شهزادي کان خط لکرائي موڪليو.

هي به ڏسي سگهو ٿا

پاڻي بحران: ماهرن ڪالا باغ ڊيم بڻائڻ جي تجويز ڏئي ڇڏي

اسلام آباد(ويب ڊيسڪ) دفاعي، آبي ۽ سفارتي ماهرن ملڪ ۾ پاڻي جي وڌندڙ بحران کي …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے