22 ڇنڇر , سيپٽمبر 2018

ڪراچي پوليس چيف جو کاتي ۾ انقلابي تبديليون آڻڻ جو اعلان

ڪراچي(ويب ڊيسڪ) ايڊيشنل آءِ جي ڪراچي ڊاڪٽر امير شيخ پوليس جي کاتي ۾ وڏي پيماني تي تبديليون آڻڻ جو اعلان ڪيو آهي. ڪراچي ۾ پوليس آفيسرن سان خطاب ڪندي اي آءِ جي ڊاڪٽر امير شيخ جو چوڻ هو ته 36 هزار جي پوليس فورس ۾ 100 کان وڌيڪ ماڻهو بدنامي جو سبب بڻجي رهيا آهن. هن چيو ته پوليس کاتي ۾ ڏوهارين سان گڏيل ڪجهه ڪارين رڍن کي سنڀلجڻ جو گهڻو موقعو ڏنو ته هاڻ پاڻي مٿي کان گذري چڪو آهي. ڊاڪٽر امير شيخ ڪراچي پوليس ۾ انقلابي تبديليون آڻڻ جو اعلان ڪندي چيو ته ٽن مهينن ۾ هر ضلعي جي سطح تي عالمي معيار موجب انٽيروگيشن روم قائم ڪيو ويندو. هن پوليس عملي کي مناسب جاءِ ۽ بهترين فرنيچر ڏيڻ جي هدايت ڪندي چيو ته جاچ واري شعبي کي مضبوط ۽ جديد تقاضائن جي موجب هلائينداسين. هن وڌيڪ چيو ته جاچ واري شعبي جو ڊيوٽي آفيسر ۽ منشي به 24 ڪلاڪ موجود هوندو ۽ ڇاپي لاءِ هر ٿاڻي ۾ 8 کان 10 پوليس ملازمن تي ٻڌل ” ريڊ پارٽي“ هوندي.

هي به ڏسي سگهو ٿا

عالمي اسلامي يونيورسٽيءَ اسلام آباد ۾ عورت عملي کي هيسائڻ جو انڪشاف

اسلام آباد ( ويب ڊيسڪ ) عالمي اسلامي يونيورسٽيءَ ۾ اعليٰ انتظامي آفيسرن طرفان عورت …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے