22 ڇنڇر , سيپٽمبر 2018

مني لانڊرنگ ڪيس: جاچ دوران 15 شڪي اڪائونٽن جو انڪشاف

Money Laundering Case: Encyclopedia of 15 Shredding Accounts during investigationڪراچي(ويب ڊيسڪ) مني لانڊرنگ ڪيس ۾ انتهائي اهم اڳڀرائي ٿي آهي ۽ جاچ دوران وڌيڪ 15 شڪي اڪائونٽن جو انڪشاف ٿيو آهي. فيڊرل انويسٽيگيشن ايجنسي(ايف آءِ اي) اختيارين موجب انهن 15 اڪائونٽن مان  4 اڪائونٽ ظاهري طور جعلي يا بنا نالي  جي آهن جن ۾ 6 ارب رپين جي رقم منتقل ڪئي وئي. ايف آءِ اي اختيارين جو چوڻ آهي ته مني لانڊرنگ ڪيس ۾ جعلي ۽ بنا نالي اڪائونٽن جو انگ 33 ٿي ويو آهي ۽ هن وقت تائين رقم 35 مان وڌي 41 ارب ٿي وئي آهي. ايف آءِ اي ٻڌايو ته انهن چئن اڪائونٽن ۾ 6 ارب رپين جي رقم آئي ۽ وئي به آهي جڏهن ته انهن اڪائونٽن مان ڪجهه اومني گروپ جا آهن. ايف آءِ اي موجب انهن اڪائونٽن مان زرداري گروپ جي اڪائونٽ ۾ 9 ڪروڙ رپين جي ترسيل ٿي ، جڏهن سامهون ايندڙ 11 اڪائونٽن جي به جاچ ڪئي پئي وڃي. واضح رهي ته جعلي بينڪ اڪائونٽ ۽ مني لانڊرنگ ڪيسن جون  ٻڌڻيون سپريم ڪورٽ ۽ بينڪنگ ڪورٽ ڪراچي ۾ جاري آهن جڏهن ته انهن ڪيسن ۾ حسين لوائي، اومني گروپ جو مالڪ انور مجيد ۽ سندس عبدالغني مجيد عدالتي ريمانڊ تي جيل ۾ آهن.

هي به ڏسي سگهو ٿا

اسٽريٽ ڪرائمز جي خاتمي لاءِ ڪراچي پوليس کي 3 سئو موٽر سائيڪلون ڏيڻ جو اعلان

ڪراچي (ويب ڊيسڪ) سنڌ پوليس جي انسپيڪٽر جنرل ڪليم امام اسٽريٽ ڪرائمز خلاف ڪراچي پوليس …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے