23 آچر , سيپٽمبر 2018

ايمنسٽي اسڪيم تحت ايف بي آر کي ٽيڪس جي مد ۾ 30 ارب رپيا مليا

اسلام آباد(ويب ڊيسڪ) فيڊرل بورڊ آف ريونيو (ايف بي آر) کي ايمنسٽي اسڪيم جي تحت 30 ارب رپيا ملي ويا آهن ۽ تازن انگن اکرن موجب گذريل رات تائين 15 هزار ماڻهو پنهنجا اثاثا ظاهر ڪري چڪا. اپريل جي فنانس بل ۾ منظور ڪيل ايمنسٽي اسڪيم 30 جون تي  ختم ٿي رهي آهي پر ان کان اڳ پاڪستان ۽ سمنڊ پار پاڪستانين طرفان ايف بي آر ۾ اثاثا ظاهر ڪڻ جو سلسلو جاري آهي. ذريعن موجب گڏيل طور تي 15 هزار ماڻهو هن وقت تائين ايف بي آر ۾ پنهنجا اثاثا ظاهر ڪري چڪا آهن جنهن ۾ وڏو انگ ڏيهين جو آهي. ذريعن جو چوڻ آهي ته ملڪ جي اندران تقريبن 10 هزار کان وڌيڪ ماڻهن پنهنجا اثاثا ظاهر ڪيا جڏهن ته سمنڊ پار پاڪستانين مان 4 هزار 913 ماڻهن پنهنجا اثاثا ايف بي آر کي ٻڌائي ڇڏيا. ذريعن موجب ايمنسٽي اسڪي جي تحت ايف بي آر کي ٽيڪس جي مد ۾ 30 ارب رپيا مليا آهن جڏهن ته مختلف ماڻهن طرفان 60 ارب جا ٽيڪس لاءِ چالان به ڀريا ويا آهن ۽ اها رقم هڪ ٻن ڏينهن ۾ ايف بي آر کي ملي ويندي.  ذريعن موجب ملڪي تاريخ ۾ ڪنهن ايمنسٽي اسڪيم مان ايتري ڳري رقم حاصل ناهي ٿي. ايف بي آر اپريل ۾ ايمنسٽي اسڪيم جي تحت 3 کان 4 ارب ڊالر ٽيڪس وصولي جي دعويٰ ڪئي هئي جيڪا پوري ٿيندي نظر پئي اچي. ذريعن جو چوڻ آهي ته وڏي انگ ۾ ڪارو ناڻو يا اثاثا ظاهر ڪرڻ جي ڪري پاڪستان جي آرگنائزيشن فار اڪنامڪ کي آپريشن اينڊ ڊيولپمينٽ (او اي سي ڊي) جو ميمبر بڻائڻو آهي ۽ سيپٽمبر 2018ع پاڪستان ان تنظيم جو ميمبر بڻجڻ کان پوءِ سمورن ميمبر ملڪن کان پاڪستانين جي اثاثن جي ڄاڻ وٺي سگهندو.

هي به ڏسي سگهو ٿا

شاهه محمود قريشي گڏيل قومن ۾ ڪشميرين جي حق لاءِ آواز اٿاري: مشعال ملڪ

اسلام آباد (ويب ڊيسڪ) حريت اڳواڻ ياسين ملڪ جي گهرواري مشعال ملڪ چيو آهي ته …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے