22 آچر , جولاءِ 2018

مخالفن کي سياسي فائدو ڏيڻ لاءِ خبر شايع ڪئي وئي: ن ليگ

The PML-N forged ticket form was releasedاسلام آباد(م ڊ)مسلم ليگ ن جي ترجمان مريم اورنگزيب چيو آهي ته برطانوي اخبار جي خبر سياسي مخالفن کي فائدو پهچائڻ جي سازش آهي. نواز شريف جي لنڊن ۾ ملڪيتن بابت برطانوي اخبار جي رپورٽ تي ردعمل ڏيندي مريم اورنگزيب چيو ته برطانوي اخبار پنهنجي خبر کي خاص رنگ ڏئي پاڪستان ۾ ٻڌڻي هيٺ ڪيس تي اثرانداز ٿيڻ جي ڪوشش ڪئي آهي، هڪ اهڙي موقعي تي ان خبر جو شايع ٿيڻ اڳوڻي وزيراعظم ۽ سندس خاندان جي دفاع ۽ ذاتي صفائي جي قانوني حق جي خلاف آهي، اهو ڏکوئيندڙ ۽ صحافتي غير جانبداري جي اصول جي ابتڙ  آهي. مريم اورنگزيب چيو ته اهو ڪيس ٻڌڻي جي هڪ اهم مرحلي ۾ آهي، اهڙي خبر جي شايع ٿيڻ سان ڪيس جي نتيجن تي سوال اٿندا، پاڪستان ۾ چونڊن جي موقعي تي برطانوي اخبار جي اهڙي خبر شايع ڪرڻ سياسي مخالفن کي فائدو پهچائڻ جي سازش آهي، خبر ۾ مسلم ليگ ن جي قائد ۽ سندس خاندان جي موقف کي ڄاڻي واڻي پوري وضاحت سان شايع  نه ڪرڻ بدنيتي کي ظاهر ڪري ٿو.

هي به ڏسي سگهو ٿا

عام چونڊون: 1691 عورتون مرد اميدوارن سان مقابلو ڪنديون

لاهور (م ڊ) ايندڙ عام چونڊن ۾ سڄي ملڪ ۾ مجموعي طور تي 1691 عورت …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے