24 آچر , جون 2018

سنڌ کي واڌو پاڻي جي فراهمي شروع، بئراجن تي 18 کان 19 جون تائين پهچندو

سکر(رپورٽ: اظهر علي دايو) سکر بئراج هيڊ ورڪس ريگيوليشن جي ڪنٽرول روم جي انگن اکرن موجب ڪالهه صبع جو اسڪردو تي گهٽ ۾ گهٽ 15.6 ۽ وڌ ۾ وڌ 32.8 سينٽي گريڊ ،تربيلا ۾ ان فلو 1 لک 66 هزار 400 ڪيوسڪ آئوٽ فلو 1 لک 12 هزار 100 ڪيوسڪ، ڊيم ۾ پاڻي جي سطح وڌي ڪري 1 هزار 445.78 فٽ تي پهچي وئي، ڪابل ندي ۾ 2 هزار ڪيوسڪ جي اضافي بعد  ندي جا وهڪرا 85 هزار 300 ڪيوسڪ ٿي ويا ، ڪالاباغ بئراج تي مٿانهي وهڪرن ۾ 14 هزار ڪيوسڪ جي گهٽتائي بعد مٿانهون وهڪرو 1 لک 64 هزار 417 ڪيوسڪ هيٺانهون وهڪرو 1 لک 58 هزار 417 ڪيوسڪ جتان قائدن ۽ ضابطن جو ابتڙ پنجاب ٿل ڪئنال ذريعي سنڌو ندي جي سسٽم مان زوري  6 هزار ڪيوسڪ پاڻي کڻي رهيو آهي ، چشما ڍنڍ جي سطح ڏيڊ فٽ جي اضافي بعد 644.7 فٽ ٿيڻ بعد چشما بئراج جي ان فلو۾ 7 هزار ڪيوسڪ جو واڌارو اچڻ بعد مٿانهون وهڪرو 1 لک 73 هزار 96 ڪيوسڪ هيٺانهون  وهڪرو 1 لک 79 هزار ڪيوسڪ جتان پڻ پنجاب زوري چشما جھلم لنڪ ڪئنال ذريعي 2 هزار ڪيوسڪ ، چشما رائيٽ بئنڪ ڪئنال ذريعي 4 هزار 300 ڪيوسڪ ۽ ٽي پي لنڪ ڪئنال ذريعي 6 هزار ڪيوسڪ پاڻي کڻڻ لڳو ، تونسا بئراج جي مٿانهين وهڪرن ۾ 5 هزار ڪيوسڪ جي واڌ بعد 1 لک 38 هزار 835 ڪيوسڪ هيٺانهون وهڪرو 1 لک 22 هزار 335 ڪيوسڪ جتان پنجاب مظفر ڳڙهه ڪئنال ذريعي 5 هزار 500 ڪيوسڪ ، ڊيرا غازي خان ڪئنال ذريعي 5 هزار ڪيوسڪ ، گڊو بئراج جي مٿانهين وهڪري ۾ 4 هزار ڪيوسڪ جي اضافي بعد 68 هزار 914 هيٺانهون وهڪرو 56 هزار 460 ڪيوسڪ ، گڊو بئراج 31 هزار 100 ڪيوسڪ بجاءِ 12 هزار 454 ڪيوسڪ پاڻي کڻي رهيو آهي جتي 67.7 سيڪڙو کوٽ رڪارڊ ، گهوٽڪي فيڊر ۽ ڊرزڊ پٽ فيڊر جي وهڪرن ۾ اضافو، 15 مئي تي کلندڙ سنڌ بيگاري فيڊر ۾ ڪالهه 6 هزار ڪيوسڪ پاڻي فراهمي شروع ٿي وئي . سکر بئراج جي مٿانهين وهڪرن ۾ 1 هزار ڪيوسڪ جي واڌ بعد 43 هزار 690 ڪيوسڪ هيٺانهون 14 هزار 100 ڪيوسڪ ، ساڄي ۽ کاٻي پاسي جي ڪئنالن کير ٿر ، رائيس ڪئنال ، دادو ڪئنال ،ايسٽ نارا ڪئنال ، خيرپور فيڊر ايسٽ ، روهڙي ڪئنال ، خيرپور فيڊر ويسٽ جي وهڪرن ۾ اضافو باوجود سکر بئراج تي 48.4 سيڪڙو کوٽ ، ڪوٽڙي بئراج جو مٿانهون وهڪرو 6 هزار 995 ڪيوسڪ هيٺانهون وهڪرو زيرو، ڪوٽڙي بئراج کي 32 هزار 500 ڪيوسڪ بجاءِ 6 هزار 995 ڪيوسڪ پاڻي دستياب آهي ، اهڙي طرح ڪوٽڙي بئراج تي کوٽ جو ڪاٿو 78.4 سيڪڙو رڪارڊ، ان ڏس ۾ ڪنٽرول روم جي انچارج عبدالعزيز سومرو سوال جي جواب ۾ چيو ته ارسا پاران اضافي پاڻي مان 21 جون تائين 90 هزار ڪيوسڪ بجاءِ 1 لک 10 هزار ڪيوسڪ جاري ڪيو ويندو، جنهن بعد 22 جون کان 1 لک 30 هزار ڪيوسڪ پاڻي ملي سگهندو ، هن ٻڌايو ته سکر بئراج جي ساڄي پاسي وارن ڪئنال ۾ اڄ به اضافي پاڻي ڇڏيو آهي ۽ 18 ۽ 19 جون تي پاڻي سکر بئراج تي پهچندو جنهن بعد ٻيڄاري لاءِ انڊنٽ موجب پاڻي جي فراهمي شروع ڪئي ويندي.

هي به ڏسي سگهو ٿا

ڊالر مهانگو ٿيڻ سبب اڳ ۾ ئي مهانگي ٿيل اخباري ڪاغذ جو اگهه ٽيڻ تي وڌي ويو: بحران ۾ ورتل اخباري صنعت لاءِ نئون گهوٽالو

ڪراچي (عوامي آواز رپورٽ) پاڪستان ۾ اخباري صنعت اڳ ئي مالي بحران جو شڪار هئي …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے