21 جمعو , سيپٽمبر 2018

افغانستان ۾ طالبان جا فرياب ۽ قنڌهار چيڪ پوسٽن تي حملا، 22 اهلڪار مارجي ويا

Attack on Taliban check-ups in Taliban in Afghanistan killed, 22 killedڪابل/واشنگٽن(ويب ڊيسڪ) افغانستان جي ٻن صوبن ۾ مختلف هنڌن تي طالبان جي حملن ۾ افغان فورسز جا 22 اهلڪار مارجي ويا. اختيارين موجب حملا اترين صوبي فرياب ۽ ڏاکڻي صوبي قنڌهار ۾ ڪيا ويا، فرياب جي ضلعي شيرين تگاب ۾ طالبان گذريل رات ٻن فوجي اڏن ۽ 2 چيڪ پوائنٽن کي نشانو بڻايو جنهن ۾ افغان فوج جا 13 اهلڪار ماريا ويا، جڏهن ته طالبان 25 فوجين کي يرغمال پڻ ڪري ورتو آهي. صوبي قنڌهار جي شهر اسپن بولڊڪ ۾ پوليس چيڪ پوسٽ تي حملي ۾ 2 پوليس اهلڪار مارجي ويا، آمريڪي فوج هلمند صوبي ۾ توپ خاني جي مدد سان طالبان جي هڪ ڪليدي سرڪش، ڪمان ۽ ڪنٽرول مرڪز تي راڪيٽ حملو ڪيو آهي.حملي جي نتيجي ۾ ٿيندڙ جاني ۽ مالي نقصان بابت اعلان ۾ وڌيڪ تفصيل بيان ڪيا ويا آهن. بيان ۾ چيو ويو آهي ته اهو مشهور ٺڪاڻو هو جتي ناليوارا طالبان اڳواڻ ويهڪ ڪندا هئا، هوڏانهن ڪابل ۾ گڏيل قومن جي لاءِ ڪم ڪندڙ اسٽاف جي هڪ ميمبر ۽ سندس پٽ کي آزاد ڪرايو ويو آهي، افغان شهريت رکندڙ عورت ۽ سندس نوجوان پٽ کي 22 جنوري تي اغوا ڪيو ويو هو، افغانستان ۾ گڏيل قومن جي مشن موجب انهن جي ڪار کي اڻڄاتل هٿياربندن روڪي کين اغوا ڪيو ويو هو ، جڏهن ڪار جي ڊرائيور کي قتل ڪيو ويو هو. اختيارين چيو آهي ته افغانستان ۾ گهڻي قدر ڀنگ عوض اغوا  ڪرڻ وارا  واقعا هڪ وڏو مسئلو آهن، ليفٽيننٽ جنرل اسڪاٽ ملر جي افغانستان ۾ آمريڪا ۽ عالمي فورسز جو نئون ڪمانڊر نامزد ڪرڻ تي غور ڪيو پيو وڃي. اها ڳالهه ان حوالي سان ڄاڻ رکندڙ هڪ آمريڪي عهديدا آمريڪي ٽي وي کي ٻڌائي، افغانستان ۾ آمريڪي قيادت جي عالمي فورسز جي واڳون هن وقت آمريڪي جنرل جان نڪلسن وٽ آهن.

هي به ڏسي سگهو ٿا

پاڪستان دهشتگردن جي ٿاڪن جي خاتمي لاءِ آپريشن ڪيا: آمريڪا جو اعتراف

واشنگٽن ( ويب ڊيسڪ ) آمريڪي پرڏيهي کاتي اعتراف ڪيو آهي ته  پاڪستان دهشتگردن جي …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے