19 آچر , آگسٽ 2018

ڏکڻ آفريقا ۾ ڌاڙي جي واردات دوران 2 پاڪستاني ڀائر مارجي ويا

جوهانسبرگ(ويب ڊيسڪ) ڏکڻ آفريقا ۾ ڌاڙي دوران مزاحمت تي 2 پاڪستاني ڀائر قتل ٿي ويا. ميڊيا جي رپورٽن موجب ڏکڻ آفريقا جي شهر جوهانسبرگ جي ٻهراڙي واري علائقي ۾ ٽي ڀائر رضا المصطفيٰ، رضا العطا ۽ رضا المرتضيٰ جي گهر ۾ ڌاڙي جي واردات ٿي جنهن ۾ مزاحمت تي ٻه ڀائر مارجي ويا جڏهن ته هڪ زخمي ٿي پيو. واقعي ۾ مارجي ويل رضا المصطفيٰ جو پٽ فاروق پنجاب جي دارالخلافه لاهور جي گورنمينٽ ڪاليج ۾ تعليم حاصل ڪري رهيو هو. مقتول جي پٽ ٻڌايو ته سندس پيءُ ۽ چاچا گذريل 6 سالن کان ڪاروبار جي سلسلي ۾ ڏکڻ آفريقا ۾ ترسيل هئا، گذريل رات انهن جي گهر ۾ ڌاڙي جو اطلاع ڏنو ويو جنهن ۾ ٻڌايو ويو ته ان واقعي دوران ٻه ڄڻا مارجي ويا آهن جن ۾ والد ۽ چاچو شامل آهن جڏهن ته ٻيو چاچو زخمي آهي. مقتول رضا المصطفيٰ جي پٽ فاروق جو چوڻ آهي ته سندس پيءُ هاڪي جو اڳوڻو رانديگر هو. مقتولن جي وارثن جو چوڻ آهي ته هنن کي ٻڌايو  ويو ته ڌاڙو رات جي وقت ۾ لڳو ۽ ڌاڙيل گهر ۾ گهڙي آيا، ان تي هڪ ڀاءَ مزاحمت ڪئي ته ڌاڙيلن فائرنگ ڪري ڏني جنهن ۾ ٻه ڀائر ٿڏي تي مارجي ويا ۽ هڪ زخمي ٿي پيو جيڪو اسپتال ۾ علاج هيٺ آهي.

هي به ڏسي سگهو ٿا

پي ٽي آءِ جي اڳواڻ جهانگير ترين جو پرڏيهه وڃڻ جو فيصلو

اسلام آباد(ويب ڊيسڪ) پي ٽي آءِ جي اڳواڻ جهانگير ترين طويل عرصي لاءِ پرڏيهه وڃڻ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے