24 سومر , سيپٽمبر 2018

ملڪ ۾ 868 ماڻهو کنڀي گم، صحت سهولتون اڻلڀ، هڪ ڪروڙ ٻار اسڪولن کان ٻاهر

اسلام آباد (رپورٽ: حفيظ چنا) سموري ملڪ ۾ جبري گمشدگي جا 868 ڪيس سامهون آيا، جنهن مان 555 ڪيس اڪلايا ويا، سنڌ جي جيلن ۾ 19 هزار 84 قيدي هئا، جڏهن ته گنجائش 12 هزار 613 قيدين جي هئي، پاڪستاني پاسپورٽ دنيا  ۾ سفر جي حوالي سان ٻيو نمبر ناپسنديده ترين پاسپورٽ رهيو، هيپاٽائيٽس جي ڦهلجڻ ۾ پاڪستان سموري دنيا ۾ ٻئي نمبر تي رهيو، اهڙو اظهار پاڪستان جي انساني حقن واري ڪميشن سالانه رپورٽ 2017 ع ۾ ڪيو آهي.رپورٽ مطابق گذريل سال انساني حقن جي متعلق سموري ملڪ جي عدالتن ۾ 3 لک 33 هزار 103 ڪيسن جون ٻڌڻيون ٿيون، 2017 جي پهرين 10 مهينن ۾ عورتن خلاف ڏوهن جا 5 هزار 660 ڪيس رجسٽرڊ ٿيا، 2017 جي آدمشماري ۾ پهريون ڀيرو کدڙن ۾ ٽرانس جينڊر جي ڪيٽيگري شامل ڪئي وئي، انڪوائري ڪميٽي کي جبري گمشدگي جا 868 ڪيس وصول ٿيا، جنهن مان 555 ڪيس اڪلايا ويا، 2017 ۾ 63 ڏوهارين کي ڦاسي ڏني وئي، حڪومت پاڪستان ٽرانس جينڊر ڪيٽيگري تحت پاسپورٽ جاري ڪيو، 2017 ۾ مڇريل هجوم جي حملن ۾ اضافو ٿيو، جڏهن ته دهشتگردي جي حملن ۾ مارجي ويلن ۾ گهٽتائي آئي، نومبر 2017 تائين پاڪستاني جيلن 82 هزار 591 قيدي هئا، پنجاب جي جيلن ۾ 50 هزار 289 قيدي هئا، جڏهن ته گنجائش 32 هزار 235 قيدين جي هئي، سنڌ جي جيلن ۾ 19 هزار 84 قيدي هئا، جڏهن ته گنجائش 12 هزار 613 قيدين جي هئي، جيلن ۾ عورت قيدين جو ڪل تعداد 1442 رهيو، خيبر پختون خواه جي جيلن ۾ 10 هزار  811 قيدي هئا، جڏهن ته گنجائش 8 هزار 395 قيدين جي هئي، هيپاٽائيٽس جي ڦهلجڻ ۾ پاڪستان سموري دنيا ۾ ٻئي نمبر تي رهيو، پاڪستان ۾ ٿيلي سيميا ۽ ايڊز جي ڦهلجڻ ۾ اضافو رهيو، رپورٽ ۾ ٻڌايو ويو آهي ته صحت جي عالمي اداري مطابق سموري دنيا ۾ پاڪستان ٽي بي جي شرح ۾ سرفهرست رهيو، 56 لک ٻار پرائمري اسڪولن ۽ 55 لک ٻار سيڪنڊري اسڪولن کان ٻاهر آهن، دنيا ۾ اسڪولن کان ٻاهر ٻارن جو تعداد پاڪستان ۾ سڀ کان وڌيڪ رهيو، پاڪستان پوليو جي خاتمي ۾ مڪمل طور تي ناڪام رهيو، رپورٽ مطابق 2017 ۾ عورتن تي تشدد رپورٽ ٿيندڙ واقعن ۾ ڪافي اضافو ٿيو، جڏهن ته هڪ ڪروڙ 20 لک عورتن جا ووٽ داخل نه ٿي سگهيا، امن امان جي صورتحال جي باري ۾ رپورٽ ۾ چيو ويو آهي ته قلم  144 جو  بنا سبب استعمال ڪيو ويو، تنهن هوندي ڌرڻن ۽ ريلين کي منهن ڏيڻ، هجوم ڪنٽرول ڪرڻ بابت حڪمت عملي جو فقدان رهيو.  2017 ع ۾ انساني حقن جي صورتحال جي عنوان سان جاري ڪيل رپورت کي ناليواري قانون دان عاصمه جهانگير سان سلهاڙيو ويو آهي، رپورٽ موجب گذريل سال دهشتگردي جي نتيجي ۾ واقعن ۾ گذريل سالن جي ڀيٽ ۾ گهٽتائي ٿي آهي. پرامن احتجاج جي حق کي محدود ڪرڻ جي لاءِ قلم 144 جو اجايو استعمال ڪيو ويو. رپورٽ موجب صحت ۽ تعليم جي شعبي ۾ 2017ع ۾ به صورتحال ڳڻتي جوڳي رهي. ملڪ ۾ 3 ڪروڙ 55 لک بالغ شگر جي مرض ۾ متبلا آهن.  هيومن رائٽس ڪميشن جي رپورٽ موجب پاڪستان سڄي دنيا ۾ پاڻي جي استعمال ۾ چوٿين نمبر تي رهيو، پر رڳو 36 سيڪڙو آبادي کي پيئڻ جي صاف پاڻي تائين پهچ حاصل آهي. 2025ع تائين پاڻي جي مڪمل خاتمي جي خطري جي باوجود پاليسي سازي ۽ گڏيل منصوبابندي ناهي ڪئي وئي. ٻئي پاسي پاڪستان جي وڏن شهرن ۾ هوائي گدلاڻ جي شرح عالمي صحت واري اداري جي طئي ڪيل حدن کان 4 سيڪڙو وڌيڪ رهي. رپورٽ موجب پاڪستان ۾ ترسيل افغان پناهه گيرن جو انگ 25 لک آهي جڏهن ته 10 لک کان وڌيڪ غير رجسٽرڊ افغاني هتي آباد آهن.1129

هي به ڏسي سگهو ٿا

پاڪ-ڀارت جنگ جو سوچڻ به بيوقوفي آهي، ن ليگ حڪومت ۾ شامل سڀ جيل ويندا: فواد چوڌري

اسلام آباد ( م ڊ ) سڌ سماءَ واري وفاقي وزير  فواد چوڌري چيو آهي …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے