24 سومر , سيپٽمبر 2018

پاڪستان ۽ ڀارت ۾ راندين ذريعي امن آڻي سگهجي ٿو: شاهد آفريدي

سوئٽزر لينڊ ( ويب ڊيسڪ ) قومي ڪرڪيٽ ٽيم جي اڳوڻي ڪپتان شاهد آفريدي چيو آهي ته راندين ذريعي پاڪستان ۽ ڀارت جي لاڳاپن ۾ بهتري آڻي سگهجي ٿي. ڀارتي ويب سائيٽ کي انٽرويو ڏيندي شاهد آفريدي چيو ته سياست کي راندين کان پري رکڻ گهرجي ۽ ڪرڪيٽ ٻنهي ملڪن وچ ۾ لاڳاپن تي پيل برف پگهارن ۾ اهم ڪردار ادا ڪري سگهي ٿي جڏهن ته راندين سان پاڪستان ۽ ڀارت ۾ امن آڻي سگهجي ٿو. هن چيو ته ڀارتي رانديگرن سان سوئٽزر لينڊ ۾ نمائشي ميچ کيڏي کيس مذو آيو ۽ اهو ايونٽ هاڪاري رهيو. سندس چوڻ هو ته اهڙي قسم جا وڌيڪ ايونٽ مستقبل ۾ به ٿيڻ گهرجن. شاهد آفريدي چيو ته پاڪستان ۽ ڀارت کي هڪ ٻي سان عالمي مقابلا ڪرائڻ گهرجن. هن چيو ته پاڪستان ۾ هاڻي سڪيورٽي صورتحال اڳ کان بهتر آهي ۽ اها سٺي ڳالهه آهي ته اتي عالمي ڪرڪيٽ بحال ٿي رهي آهي. سندس چوڻ هو ته پي ايس ايل جون 2 ميچون لاهور ۽ فائنل ڪراچي ۾ کيڏيو ويندو ۽ ڪراچي جي شهرين لاءِ ميچ ٿيڻ هڪ وڏو لمحو آهي، جڏهن ته پاڪستان ۾ اهڙي قسم جي ميچز سان دنيا کي هاڪاري پيغام ويندو.

هي به ڏسي سگهو ٿا

جنگ مڙهي وئي ته منهن ٽوڙ جواب ڏينداسين: مولا بخش چانڊيو

ڪراچي (ويب ڊيسڪ) پ پ اڳواڻ مولا بخش چانڊيي چيو آهي ته مودي ۽ ڀارتي …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے