27 آچر , مئي 2018

ايل او سي تي فائرنگ، ڀارتي ڊپٽي هاءِ ڪمشنر پرڏيهي آفيس طلب

اسلام آباد ( ويب ڊيسڪ ) پاڪستان ڀارٽي ڊپٽي هاءِ ڪمشنر کي پرڏيهي آفيس طلب ڪري لائن آف ڪنٽرول تي ڀارتي فوج جي بنا جواز فائرنگ ۽ ٻن شهرين جي شهادت تي شديد احتجاج ڪيو. پرڏيهي آفيس طرفان جاري ڪيل بيان ۾ چيو ويو آهي ته پاڪستان ڀارتي ڊپٽي هاءِ ڪمشنر جي پي سنگهه کي پرڏيهي آفيس طلب ڪري ايل او سي جي نيزا پير، نڪيال ۽ ڪريلا سيڪٽر ۾ ڀارتي فوج جي بنا جواز فائرنگ ۽ فائرنگ جي نتيجي ۾ ٻن مقامي شهرين جي شهادت تي شديد احتجاج ڪيو ۽ جنگبندي جي ڀڃڪڙي تي احتجاجي خط ڀارتي ڊپٽي هاءِ ڪمشنر حوالي ڪيو.  پرڏيهي آفيس جي ترجمان ڊاڪٽر فيصل خط ۾ چيو ته ڀارت طرفان هلندڙ سال هن وقت تائين 190 ڀيرا لائن آف ڪنٽرول ۽ ورڪنگ بائونڊري جي ڀڃڪڙي ڪئي وئي آهي جنهن جي نتيجي ۾ 13 معصوم شهري شهيد ۽ 65 زخمي ٿي چڪا آهن. خط ۾ چيو ويو آهي ته گذريل ڏينهن به ڀارتي سڪيورٽي فورسز بنا جواز فائرنگ ڪري نيزا پير، نڪيال ۽ ڪريلا سيڪٽرز ۾ ٻن ماڻهن کي شهيد ڪيو. ترجمان موجب ڀارتي اڳرائي ۾ ڏينهون ڏينهن اضافو ٿي رهيو آهي، ڀارت لائن آف ڪنٽرول ۽ ورڪنگ بائونڊري تي جنگبندي جي ٺاهه جي ڀڃڪڙي ڪري.

هي به ڏسي سگهو ٿا

Khurram Nawaz gundapur was able to remove 320 students from the host at the video line

خرم نواز گنڊا پور جي وڊيو ليڪ ڪرڻ تي 320 شاگردياڻين کي هاسٽل مان نيڪالي

لاهور( ويب ڊيسڪ ) منهاج القرآن يونيورسٽي انتظاميه خرم نواز گنڊا پور جي وڊيو  ليڪ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے