17 اڱارو , جولاءِ 2018

لاهور هاءِ ڪورٽ طرفان زينب واقعي جا جوابدار 36 ڪلاڪن ۾ گرفتار ڪرڻ جو حڪم

لاهور ( ويب ڊيسڪ ) لاهور هاءِ ڪورٽ جي چيف جسٽس 36 ڪلاڪن ۾ جوابدار گرفتار ڪرڻ جو حڪم ڏئي ڇڏيو آهي. چيف جسٽس لاهور هاءِ ڪورٽ جسٽس منصور علي خان قصور واقعي جي جوابدار جي عدم گرفتاري خلاف ڪيس جي ٻڌڻي ڪئي ۽ فوري طور آءِ جي پنجاب کي عدالت ۾ طلب ڪيو. آءِ جي پنجاب عارف نواز عدالت ۾ پيش ٿيو ته چيف جسٽس پڇاڻو ڪيو ته ٻڌو آهي ته واقعي کان اڳ ڪيترائي واقعا ٿي چڪا آهن، پهريان ڪيس ڪٿي آهن، عدالت ۾ ته پيش نه ٿيا آهن، توهان وٽ اهڙن ڪيسن جا تفصيل آهن.  چيف جسٽس چيو ته اهڙي واقعي ۾ ڪوتاهي برداشت نه ڪئي ويندي، 36 ڪلاڪن اندر جوابدارن کي هر صورت ۾ گرفتار ڪيو وڃي، سوسائٽي پريشان آهي تنهن ڪري جوابدار هر صورت ۾ گرفتار ڪيا وڃن.  آءِ جي پنجاب چيو ته پوليس پوري ايمانداري سان ڪم ڪري رهي آهي، خاطري ڪرائي ٿو ته جوابدار هر صورت ۾ گرفتار ڪيا ويندا. لاهور هاءِ ڪورٽ جي چيف جسٽس پنجاب ۾ ٻارڙن بابت ڪيسن جا تفصيل طلب ڪري ورتا.

هي به ڏسي سگهو ٿا

پ پ سنڌ جي ڀينگ ڪري ڇڏي آهي، ووٽ جي پرچي کي عام نه سمجهو: سراج الحق

غوثپور (ويب ڊيسڪ) جماعت اسلامي جي امير سراج الحق چيو آهي ته پ پ سنڌ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے