23 ڇنڇر , جون 2018

چيني ڪمپني ايپل ۽ سام سنگ کي مات ڏئي ڇڏي

لاس ويگاس (ويب ڊيسڪ) ايپل ۽ سام سنگ جي سمارٽ فون ڊسپلي جي تياري ۾ جنگ هلي رهي آهي، جنهن ۾ فنگر پرنٽ اسڪينر اسڪرين اندر موجود هجي پر هڪ چيني ڪمپني ويوو ان معاملي ۾ ٻنهي وڏين ڪمپنين کي پوئتي ڇڏي ڏنو آهي. لاس ويگاس ۾ جاري ڪنزيومر اليڪٽرونڪس شو دوران ويوو  اهڙي سمارٽ فون پيش ڪئي، جنهن ۾ فنگر پرنٽ سنسر ڊوائيس فرنٽ اسڪرين جي اندر ڏنو ويو. هن وقت ٻيون ڪمپنيون سمارٽ فون جي ڊسپلي کي بيزل ليس ڪرڻ ۾ مصروف آهن، جنهن جي ڪري فرنٽ تي فنگر پرنٽ سنسر جي جگھه ختم ٿي وئي آهي ۽ اهو بيڪ ڏانهن ڪرڻو پيو يا ختم ڪيو ويو. چيني ڪمپني طرفان اسڪرين اندر فنگر پرنٽ سنسر کي شامل ڪرڻ تي گھڻي وقت کان ڪم جاري هو ۽ هاڻي ان ۾ مڪمل ڪاميابي حاصل ڪئي وئي آهي. ڪمپني گذريل سال ان ٽيڪنالاجي جي پروٽوٽائپ فون ۾ تجربو به ڪيو هو ۽ ان وقت ڪوالڪوم جي مدد سان الٽراسونڪ سنسر کي استعمال ڪيو هو پر هاڻي ان ٽيڪنالاجي کي وڌيڪ بهتر ڪندي آپٽيڪل بيس فنگر پرنٽ سنسر کي تيار ڪيو ويو آهي ۽ هاڻي اسڪرين جي هڪ خاص حصي ۾ اڱر  رکڻ تي او ايل اي ڊي پينل ان کي چمڪائي ڇڏي ٿو ۽ فون ان لاڪ ڪري سگھجي ٿي. مزي جي ڳالهه اها آهي ته اها فون بيزل ليس آهي ۽ ڪمپني ان کي هلندڙ سال ڪنهن وقت به کپائڻ جو ارادو رکي ٿي. جيئن ٻڌايو ويو آهي ته اهو نئون رجحان آهي، جيڪو هن سال سمارٽ فونز ۾ سڀني کان وڌيڪ مقبول آهي. ايپل جي آءِ فون ايڪس (10) ۾ ان ٽيڪنالاجي کي متعارف ڪرائڻ جي اميد هئي پر ايئن نه ٿي سگھيو، جڏهن ته سام سنگ کي گيليڪسي ايڪس ايٽ ۽ نوٽ ايٽ ۾ ايئن ڪرڻ ۾ ناڪامي جو منهن ڏسڻو پيو، ايس نائن ۾ امڪاني طور اها موجود نه هوندي. چيني ڪمپني موجب ان ۾ فنگر پرنٽ کي رجسٽرڊ ڪرڻ جو عمل ٻين فونن جي فنگر سنسر جهڙو ئي آهي، بس هاڻي پنهنجي آڱر کي ڊسپلي جي هيٺئين حصي ۾ هڪ آئيڪون تي رکو ۽ ان وقت تائين دٻائي رکو جيستائين اسڪينگ جو عمل مڪمل نه ٿي وڃي. ان رجسٽريشن جي عمل ۾ ٻين فونن جي ڀيٽ ۾ ڪجھه وڌيڪ وقت لڳندو پر ڪو خاص مسئلو ناهي.

هي به ڏسي سگهو ٿا

ايپل واچ لاءِ”واڪي  ٽاڪي ايپ“ لانچ ڪيو ويو آهي

ڪيليفورنيا(ويب ڊيسڪ) موبائل فون جي آمد کان پهريان وائرليس ۽ واڪي ٽاڪي  اهم شئي تصور …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے