20 خميس , سيپٽمبر 2018

پاڪستان نيوزي لينڊ اليون کي پريڪٽس ميچ ۾ 120 اسڪور تان شڪست ڏئي ڇڏي

نيلسن (اسپورٽس نيوز) پاڪستان نيوزي لينڊ اليون کي پريڪٽس ميچ ۾ 120 اسڪور تان شڪست ڏئي ڇڏي. نيلسن ۾ کيڏيل وارم اپ ميچ ۾ گرين شرٽس پهريان بيٽنگ ڪندي مقرر 50 اوورن ۾ 9 وڪيٽن جي نقصان تي 341 اسڪور ٺاهيو جنهن جي جواب ۾ ميزبان ٽيم 47.1 اوورن ۾  221 اسڪور ٺاهي پويلين روانو ٿي. پاڪستان طرفان شاداب خان شاندار بالنگ جو مظاهرو ڪندي 4 رانديگرن کي پويلين موٽايو جڏهن ته فهيم اشرف 2، محمد عامر، حسن علي، فخر خمان ۽ رومان رئيس هڪ هڪ وڪيٽ حاصل ڪئي. نيوزي لينڊ اليون طرفان مچل ڊيوڊسن 54 اسڪور ٺاهي نمايا بيٽسمين رهيو، ٻين رانديگرن ۾ جيڪ بوائل ۽ بين بيڪروفٽ 20، 20، ڀارت پوپلي 16 ۽ نيوزي لينڊ اليون جي قيادت ڪندڙ فريسر ڪولسن 12 اسڪور ٺاهي آئوٽ ٿيا. ان کان اڳ پهريان بيٽنگ ڪندي قومي ٽيم جي اوپننگ بيٽسمين اظهر علي ۽ فخر زمان شاندار بيٽنگ جو مظاهرو ڪندي سنچريون ٺاهيون، اظهر علي 104 ۽ فخر زمان 106 اسڪور ٺاهيو ۽ آئوٽ نه ٿيا، ٻنهي بيٽسمينن 206 اسڪور جي ڀائيواري قائم ڪئي ته فخر زمان بابر اعظم کي بيٽنگ جو موقعو ڏنو ۽ گرائونڊ مان ٻاهر هليو ويو. فخر زمان 84 بالن تي 3 ڇڪن ۽ 12چوڪن جي مدد سان 106 اسڪور ڪيو، ساڳئي ريت اظهر علي به 105 بالن تي هڪ ڇڪي ۽ 8 چوڪن جي مدد سان 104 اسڪور ٺاهي ريٽائرڊ ٿيو. ٻين رانديگرن ۾ بابر اعظم 6، محمد حفيظ 5، شعيب ملڪ هڪ، ڪپتان سرفراز احمد 21، شاداب خان 24، فهيم اشرف 17 ۽ حسن علي 36 اسڪور ٺاهي آئوٽ ٿيا جڏهن ته محمد عامر 5 ۽ رومان رئيس بنا اسڪور ٺاهي ناٽ آئوٽ رهيا. نيوزي لينڊ طرفان انيڪت پاريڪ سڀ کان وڌيڪ 3، مارڪ ڪريگ 2، جي ڊي بيڪر ۽ ايم ڊي راءِ هڪ هڪ وڪيٽ حاصل ڪئي.

هي به ڏسي سگهو ٿا

The Swordswriter Zulton Abraham completed 500 goals

سوئيڊش اسٽرائيڪر زلاٽن ابراهمووچ 500 گول مڪمل ڪري ورتا

نيويارڪ (ويب ڊيسڪ ) سوئيڊش اسٽرائيڪر لاٽن ابراهمووچ ڪيريئر ۾ 500 گول مڪمل ڪري ورتا، …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے