22 ڇنڇر , سيپٽمبر 2018

نئين ديري لڳ زميني تڪرار تان حملو، فائرنگ ۾ 3 ڄڻا قتل، 4 زخمي

نئون ديرو (ن ع آ ) نئون ديرو ڀرسان ڪيٽي ممتاز ٿاڻي جي حد ڪچي واري علائقي ۾ سردار ممتاز ڀٽو ۽ سردار اسد کھڙو جي ٻن ڌرين ۾ زمين جي تڪرار ھڪ ڀيرو ٻيھر جھيڙي جي باھ ڀڙڪي اٿي. ھٿيار بند ڪيٽي ڪڙيا ۾ ڪاٺيونوڍيندڙن مٿان حملو ڪيو ۽  ھٿياربند پھچڻ شرط ھٿيارن جا منھن کولي انڌا ڌنڌ فائرنگ ڪري ڏني، جنھن جي نتيجي ۾ ممتاز ڀٽو جي ڌر جا 34 ورھين جو مومن ڪڙيو،37 ورھين جوصدورو ڪڙيو ٿڏي تي مارجي ويا ۽ ناھيد ناريجو ڪيترائي ڪلاڪ واقعي واري ھنڌ پيل ھجڻ ڪري تڙپندو رھيو. فائرنگ جي آواز تي سندن مائٽ پھتا.  ٽن ڪلاڪن بعد زخمين ۽ مقتولن  کي گڏھ گاڏن ۽ ٽريڪٽر ٽرالي تي  کڻي ڳوٺ ٻرڙا آندو ويو، جتي  30 ورھين جو ناھيد ناريجو اسپتال ويندي دم ڌڻي حوالي ڪيو. مقتولن جا لاش پوسٽ مارٽم بعد وارثن حوال ڪيا ويا ۽ 4 زخمين کي نئون ديرو اسپتال آڻڻ بعد لاڙڪاڻي چانڊڪا اسپتال ريفر ڪيو ويو. زخمين ۾ستار ڪڙيو،سھڻو ڪڙيو ، حاتم ڪڙيو، حڪيم ناريجو ۽ گلزارڪڙيو شامل هئا. ھوڏانھن واقعي جو پوليس کي اطلاع ڏنو ويو. ڪيٽي ممتاز پوليس ۽ ڊي ايس پي ٻن ڪلاڪن بعد پھتا.  جوابدار واقعي بعد فرار ٿي ويا. مقتولن جا لاش گڏھ گاڏن ۽ ٽريڪٽر ذريعي ڳوٺ ٻرڙا آندا ويا. مومن ڪڙيو جي ڀاءَ اصغر ڪڙيو ٻڌايو ھي ته اسان پنھنجي ڪڙيا ڪيٽي ۾ ڪاٺيون وڍي رھيا ھئاسين ته کھڙا ڌر جي 10 ھٿيار بندن حملو ڪيو. واقعي جو ڪيس داخل ٿي نه سگھيو هو.  ياد رھي ته 10 سال اڳ ممتاز ڀٽو ۽ اسد کھڙو جي ٻن ڌرين ۾ ڪچي جي زمين جي مالڪي سان جھِيڙو شروع ٿيو، جنھن ۾ کھڙا ذات جا 9 ۽ ممتاز ڀٽو جي ڌر جا 6 ڄڻا موت جو کاڄ بڻجي چڪاآھن.

هي به ڏسي سگهو ٿا

عمران وري جوتاگردي جو شڪار، ذري تان بچاءُ، پادر عليم خان کي ٽڪاءُ

گجرات (م ڊ) تحريڪ انصاف سربراهه عمران خان جي تقرير دوران عليم خان کي جوتو …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے