24 منگل , اپریل 2018

نيوز: حيدرآباد: دولتپور واسڻ پٽ کي کنڀي گم ڪرڻ خلاف احتجاجي مظاهرو

حيدرآباد ۾ دولتپور واسڻ پٽ کي کنڀي گم ڪرڻ خلاف احتجاج ڪيو. ڳوٺ علي آباد ڪالوني جي رهواسڻ مسمات صغران پريس ڪلب اڳيان احتجاج ڪندي چيو ته سندس پٽ کي هڪ مهينو اڳ پوليس اهلڪارن کنڀي گم ڪري ڇڏيو آهي. هن جو چوڻ هو ته پٽ جي بازيابي لاءِ پوليس سان رابطو ڪيو، جنهن گرفتاري کان لاتعلقي جو اظهار ڪري ڇڏيو آهي. هن چيو ته سندس پٽ فرحان عرف سني ڪنهن به ڏوهي سرگرمين ۾ ملوث ناهي نه ئي ڪنهن سياسي پارٽي سان واسطو آهي. متاثر عورت جو چوڻ هو ته چونڊيل نمائيندن ۽ پوليس عملدارن کي پٽ جي بازيابي لاءِ شڪايت ڪئي آهي، پر ڪو به تدارڪ ڪرڻ لاءِ تيار ناهي. احتجاج ڪندڙ پيرسن عورت اعليٰ اختيارن کان گهر ڪئي ته نوٽيس وٺي پٽ کي بازياب ڪرائي کين انصاف ۽ تحفظ فراهم ڪيو وڃي،  هن چتاءُ ڏيندي چيو ته پٽ کي فوري طور بازياب نه ڪرايو ويو ته هو مرڻ گهڙي تائين احتجاج ڪندي رهندي.

هي به ڏسي سگهو ٿا

رپورٽ: لاکاروڊ : روڊ رستا تباهه هجڻ ڪري رهواسين کي تڪليف، ڪاروبار تباهه

بک، بدحالي، بيروزگاري، پاڻي کوٽ ۽ ڌاري آبادڪاري سميت ڪيترن ئي مسئلن جو شڪار سنڌ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے