21 ڇنڇر , جولاءِ 2018

ختم نبوت صه حلف نامي ۾ تبديلي جي ذميوارن کي منظر تي آندو وڃي: تحريڪ انصاف

اسلام آباد (ويب ڊيسڪ) پاڪستان تحريڪ انصاف اسلام آباد ۾ تحريڪ لبيڪ جي ڌرڻي جي کليل حمايت ڪندي ختم نبوت صه جي حلف نامي ۾ تبديلي جي ذميوارن کي منظر تي آڻڻ جو مطالبو ڪيو آهي. پارٽي سربراهه عمران خان جي صدارت هيٺ تحريڪ انصاف ڪور ڪميٽي جو اجلاس ٿيو، جنهن ۾ جهانگير ترين، شاهه محمود قريشي ۽ نعيم الحق سميت 15 سينيئر اڳواڻن شرڪت ڪئي. اجلاس ۾ ختم نبوت صه حلف نامي ۾ تبديلي ڪندڙ کي بي نقاب ڪرڻ جو مطالبو ڪيو ويو، جڏهن ته تحريڪ لبيڪ جي ڌرڻي جي کليل حمايت ڪئي وئي. اجلاس ۾ چيو ويو ته ڌرڻو هڻندڙن سان ڳالهيون ڪري سندن مطالبا تسليم ڪيا وڃن، ڇو ته ان معاملي تي احتجاج انهن جو حق آهي. اهي به اطلاع آهن ته تحريڪ انصاف نواز شريف جي نظريي ۽ ڪرپشن خلاف قومي مهم هلائڻ جو فيصلو ڪيو آهي، جنهن لاءِ 3 رڪني ڪميٽي قائم ڪئي وئي آهي، جنهن جي سربراهي فواد چوڌري ڪندو.27

هي به ڏسي سگهو ٿا

عام چونڊ 2018ع: بلوچستان جي 6 ضلعن ۾ انٽرنيٽ سروس معطل

اسلام آباد(ويب ڊيسڪ) عام چونڊ 2018ع جي سلسلي ۾ بلوچستان جي 6 ضلعن ۾ انٽرنيٽ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے