21 اتوار , جنوری 2018

بلوچستان لاءِ 10 سالن جي پيڪيج جو اعلان، چونڊون وقت تي ٿينديون، جمهوريت هلندي رهندي: وزيراعظم

ڪوئيٽا (ويب ڊيسڪ): وزيراعظم شاهد خاقان عباسي بلوچستان لاءِ 10 سالن جي پيڪيج جو اعلان ڪري ڇڏيو آهي، جنهن ۾ اسڪول، بجلي، گئس ۽ صاف پاڻي جي فراهمي شامل هوندا، ڪوئيٽا ۾ صحافين سان ڳالهائيندي وزيراعظم شاهد خاقان عباسي چيو ته حڪومت هلي رهي آهي، جيڪا جون 2018 ع ۾ مدو پورو ڪندي ۽ ٻن مهينن بعد چونڊون ٿينديون،سندس چوڻ هيو ته حڪمراني آئين موجب ٿيندي آهي ۽ قانون جي بالادستي قائم رهڻ گهرجي، وزيراعظم شاهد خاقان عباسي بلوچستان لاءِ 10 سالن جي پيڪيج جو اعلان ڪندي چيو ته ان پيڪيج ۾ اسڪول، گئس، بجلي ۽ پيئڻ جي صاف پاڻي جي فراهمي شامل هوندي، هن چيو ته گئس، بجلي، پاڻي جي اسڪيمن تي ڪم ڪيو ويندو، جڏهن ته گئس جي اسڪيمن تحت هر ضلعي ۾ ايل پي جي پلانٽ لڳي رهيو آهي، سندس چوڻ هيو ته بلوچستان پيڪيج جو اڌ فنڊ وفاق ۽ اڌ صوبائي حڪومت ادا ڪندي ۽ ڪوشش هوندي هر ٻئي مهيني ڪوئيٽا اچي ان عمل جو جائزو ورتو وڃي.هوڏانهن ڪوئيٽا ۾ وزيراعظم شاهد خاقان عباسي جي صدارت هيٺ امن امان بابت اجلاس ٿيو. اجلاس ۾ بلوچستان جي وڏي وزير نواب ثناءَ الله زهري، گورنر محمد خان اچڪزئي ۽ ڪمانڊر سدرن ڪمانڊ ليفٽيننٽ جنرل عاصم باجوه سميت ٻين اختيارين شرڪت ڪئي. اجلاس ۾ بلوچستان ۾ امن امان جي صورتحال بابت بريفنگ ڏني وئي. ان موقعي تي بلوچستان جي وڏي وزير ثناءَ الله زهري چيو ته بلوچستان ۾ ماضي جي ڀيٽ ۾ امن امان جي صورتحال بهتر آهي ۽ دهشتگردن جي چيلهه چٻي ڪئي وئي آهي. وزيراعظم شاهد خاقان عباسي چيو ته بلوچستان ۾ امن لاءِ سڪيورٽي فورسز جون قربانيون ضايع  نه ٿينديون. هن چيو ته وفاقي سرڪار بلوچستان ۾ امن جي بحالي لاءِ صوبائي حڪومت سان هر ممڪن سهڪار لاءِ تيار آهي.0629

هي به ڏسي سگهو ٿا

عدالتي حڪم باوجود پاسما جي هوڏ، ڪمند اگهه 130 رپين کان وڌيڪ ڏيڻ کان انڪار، آبادگارن ۽ مل مالڪن ۾ ڏند چڪ

ڪراچي/حيدرآباد (رپورٽ: علي نقرچ+عتيق ملاح) پاسما هوڏ نه ڇڏي، آبادگارن کي 130 رپيا مڻ کان وڌيڪ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے