19 جمعہ , جنوری 2018

اٽلي 60 ورهين کانپوءِ ورلڊ ڪپ لاءِ ڪواليفاءِ ڪرڻ ۾ ناڪام

ميلان (اسپورٽس نيوز) چار ڀيرا عالمي چيمپيئن رهندڙ اٽلي جي ٽيم 60 ورهين کانپوءِ ايندڙ سال روس ۾ شيڊيول فيفا ورلڊ ڪپ فٽبال ٽورنامينٽ فائنلز ۾ جڳهه ٺاهڻ ۾ ناڪام رهي آهي ۽ ٻڙي جي ڀيٽ ۾ هڪ گول تان ڪاميابي ماڻي سوئيڊن جي ٽيم ورلڊ ڪپ فائنل مقابلن لاءِ ڪواليفاءِ ڪري ورتو آهي. ميلان ۾ اٽلي ۽ سوئيڊن جون ٽيمون ورلڊ ڪپ ڪواليفائر جي ٻئي پلي آف لاءِ ميدان تي لٿيون ته پهرين پلي آف ۾ 0-1 تان ڪاميابي جي ڪري سوئيڊن کي سرسي حاصل هئي پر هوم گرائونڊ تي ميچ ٿيڻ سبب اميد هئي ته اٽلي جي ٽيم ان خساري مان نڪرڻ ۾ ڪامياب ٿي ويندي پر ائين نه ٿي سگهيو. راند جا شروعاتي 20 منٽ غير معياري کيڏڻ کانپوءِ اٽلي جي ميچ تي پڪڙ مضبوط ٿي وئي ۽ اسٽرائيڪرن ڪجهه سٺا مووز ٺاهي گول جا موقعا پيدا ڪيا پر سوئيڊش گول ڪيپر روبن اولسن ۽ خراب فنشنگ سبب ميزبان ٽيم بال کي ڄار تائين پهچائڻ ۾ ناڪام رهي. پينلٽي جون اپيلون رد ۽ گول نه ٿيڻ سبب ميچ جي آخري لمحن ۾ اٽلي انتهائي خراب راند جو مظاهرو ڪيو ۽ سڀ رانديگر ٿڪل نظر آيا. ميچ ختم ٿيڻ جي ويجهو پهتي ته اسٽيڊيم ۾ موجود اٽلي جي شوقينن پنهنجي ٽيم جو جوش ۽ جذبو وڌائڻ لاءِ قومي ترانو پڙهڻ شروع ڪيو پر انهن جي اها ڪوشش به رائيگان وئي ۽ جنهن وقت ريفري سيٽي وڄائي ميچ جي پڄاڻي جو اعلان ڪيو ته اسٽيڊيم ۾ موجود 74 هزار اٽليءَ جي چاهيندڙن تي سڪتو طاري ٿي ويو ۽ ٽيم جي شڪست توڙي ورلڊ ڪپ مان نيڪاليءَ تي اٽلي جا رانديگر به افسوس ۾ پَٽَ تي ويهي رهيا. ان شڪست کانپوءِ اٽلي جي ٽيم 60 ورهين کانپوءِ ورلڊ ڪپ لاءِ ڪواليفاءِ ڪرڻ ۾ ناڪام رهي. ميچ برابر ٿيڻ سان سوئيڊن ايگريگيٽ اسڪور 0-1 تان ڪاميابي ماڻي 12 ورهين کانپوءِ ورلڊ ڪپ لاءِ ڪواليفاءِ ڪري ورتو.27

هي به ڏسي سگهو ٿا

امپائر سان نامناسب رويو اختيار ڪرڻ تي ڪوهلي تي ڏنڊ

سنچورين (اسپورٽس نيوز) امپائر سان نامناسب رويو اختيار ڪرڻ تي ويرات ڪوهلي تي ڏنڊ لاڳو …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے