21 ڇنڇر , آڪٽوبر 2017

ايس ايس پي تشدد ڪيس: عمران ۽ طاهر القادري جي ملڪيتن جو رڪارڊ عدالت ۾ پيش

اسلام آباد(ويب ڊيسڪ) ايس ايس پي تشدد ڪيس ۾ دهشتگردي جي خاتمي واري عدالت ۾ اشتهاري جوابدارن عمران خان ۽ ڊاڪٽر طاهر القادري جي ملڪيتن جو رڪارڊ پيش ڪيو ويو آهي جنهن بعد سندس ملڪيتن جي قرقي جو عمل شروع ٿي ويندو. تفصيل موجب دهشتگردي جي خاتمي واري عدالت ۾ جج شاهه رخ ارجمند ايس ايس پي تشدد ڪيس جي ٻڌڻي ڪئي. ٻڌڻي دوران ايس ايس پي عصمت الله بيان رڪارڊ ڪرايو. ايس ايس پي عصمت الله پنهنجي بيان ۾ چيو ته ڌرڻي دوران 70 کان 80 ماڻهو پي ٽي وي ۽ ريڊ زون ڏانهن وڌي رهيا هئا جن کي روڪڻ جي لاءِ پهتس ته مون کي حملو ڪيو ويو.  ٻڌڻي دوران عدالت ۾ عمران خان ۽ ڊاڪٽر طاهر القادري جي ملڪيتن جو رڪارڊ پيش ڪيو وي، عدالت عمران خان جي لاهور ۽ ميانوالي ۾ موجود ملڪيتن جو رڪارڊ به طلب ڪيو ويو آهي.

هي به ڏسي سگهو ٿا

نواز شريف گذريل چئن ورهين دوران ملڪ کي بهتري ڏانهن آندو: احسن اقبال

اسلام آباد (ويب ڊيسڪ) گهرو وزير احسن اقبال چيو آهي ته ن ليگ جمهوري پارٽي …

تبصرو ڪيو

توهان جي اي ميل ايڊريس ظاهر نه ڪئي ويندي