16 ڇنڇر , ڊسمبر 2017
نڪور خبرون

سينيٽ مان پوليٽيڪل پارٽيز ايڪٽ ترميمي بل جي منظوري، شيخ رشيد سپريم ڪورٽ ويندو

Shiekh Rasheedاسلام آباد (ويب ڊيسڪ): عوامي مسلم ليگ جي سربراهه شيخ رشيد احمد سينيٽ مان پوليٽيڪل پارٽيز ايڪٽ 2002 ۾ ترميم جي بل جي منظوري خلاف سپريم ڪورٽ وڃڻ جو اعلان ڪري ڇڏيو آهي، نجي ٽي وي سان ڳالهائيندي شيخ رشيد احمد چيو ته هي ماڻهو آئين ۽ قانون سان کيڏي رهيا آهن، هي ماڻهو سرعام عدالت جي فيصلي کي چئلينج ڪري رهيا آهن، جنهن سان ملڪ کي نقصان پهچندو، اهو نٿو ٿي سگهي ته نااهل ماڻهو پارٽي کي هلائين، هن چيو ته اهو سينيٽ مان پاس ٿيل پوليٽيڪل پارٽيز ايڪٽ 2002 ترميمي بل خلاف سپريم ڪورٽ سان رابطو ڪندو، ياد رهي ته سينيٽ ۾ پوليٽيڪل پارٽيز ايڪٽ 2002 ۾ ترميم جو بل اڪٿريتي راءِ سان منظور ڪيو ويو آهي، جنهن تحت عدالت مان نااهل ٿيل ماڻهو ڪنهن به پارٽي جو سربراهه بڻجي سگهندو، چونڊ سڌارن جو بل قومي اسيمبلي مان منظور ٿي سينيٽ ۾ آيو هيو، ان تحت ڪو به شهري جيڪو سرڪاري ملازم نه هجي اهو پنهنجي سياسي پارٽي به بڻائي سگهندو، واضح رهي پوليٽيڪل پارٽيز ايڪٽ 2002 ۾ ترميم بعد اڳوڻو وزيراعظم نواز شريف مسلم ليگ ن جي صدر بڻجڻ جي راهه هموار ٿي وئي آهي.

هي به ڏسي سگهو ٿا

آپريشن رد الفساد: ملڪ جي مختلف علائقن مان 21 دهشتگرد گرفتار، هٿيار ۽ بارود هٿ: آءِ ايس پي آر

راولپنڊي(ويب ڊيسڪ) سڄي ملڪ ۾ جاري آپريشن رد الفساد تحت 21 دهشتگردن ۽ سهولتڪارن کي …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے