19 اڱارو , جون 2018

پاڪستان ڪشمير معاملي تي آواز بلند ڪندو رهندو: پرڏيهي کاتي جو ترجمان

اسلام آباد(ويب ڊيسڪ) پرڏيهي کاتي جي ترجمان نفيس ذڪريا چيو آهي ته پاڪستان ڪشمير ۾ ٿيندڙ ظلم جو معاملو عالمي برادري سان گڏ اٿاريندو آهي ۽ ان معاملي کي اٿاريو ويندو رهيو آهي. هفتيوار ميڊيا بريفنگ دوران هن چيو ته والاريل ڪشمير جو عوام دليري سان ڀارتي بربريت ۽ ظلمن جو مقابلو ڪري رهيو آهي. نفيس ذڪريا چيو ته ڀارت ۾ انتهاپسند پنهنجي خلاف اٿندڙ آواز کي خاموش ڪرائي رهيا آهن، ايمنسٽي انٽرنيشنل پنهنجي هڪ 12 صفحن تي ٻڌل رپورٽ به پيش ڪئي آهي. هن چيو ته والاريل ڪشمير ۾ ڪيترن ئي صحافين کي به گرفتار ڪيو ويو آهي. هن پرڏيهي وزير خواجا آصف جي چين، ايران ۽ ترڪي واري دوري کي ڪامياب قرار ڏيندي چيو ته انهن ملڪن تسليم ڪيو آهي ته الزام تراشي سان افغانستان ۾ امن قائم نٿو ٿي سگهي. ترجمان چيو ته انهن دورن ۾ ڪشمير ۾ انساني حقن جي ڀڃڪڙين تي ڳالهيون ٿيون، سمورن ملڪن سان ميانمار ۾ روهنگيا مسلمانن تي ظلم جي مذمت به ڪئي وئي.

هي به ڏسي سگهو ٿا

The nomination papers of Pervez Musharraf, Farooq Sattar and Asadullah Khan were rejected

پرويز مشرف، فاروق ستار ۽ اسد الله ڀٽو جا نامزدگي فارم رد

اسلام آباد(ويب ڊيسڪ)اڳوڻي صدر پرويز مشرف، ايم ڪيو ايم جي اڳواڻ ڊاڪٽر فاورق ستار ۽ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے