21 جمعو , جولاءِ 2017

ٽي وي ۽ ڪمپيوٽر تي گهڻو وقت گذارڻ صحت لاءِ نقصانڪار قرار

لنڊن (ويب ڊيسڪ) جيڪي ماڻهو پنهنجو گهڻو وقت ٽي وي ۽ ڪمپيوٽر تي گذارين ٿا ته انهن لاءِ سٺي خبر ناهي، ڇو ته اها عادت سندن صحت تي ناڪاري اثر ڇڏي ٿي. نئين تحقيق ۾ اها ڳالهه سامهون آئي آهي ته ٽي وي ۽ ڪمپيوٽر تي گهڻو وقت گذارڻ سان ساهه جون بيماريون وڌي وڃن ٿيون. گليسگو يونيورسٽي جي پروفيسر اينڊرا شيرف پنهنجي ان تحقيق ۾ چيو آهي ته گهڻو وقت ٽي وي ۽ ڪمپيوٽر تي ويهڻ سان اکين تي دٻاءَ سان گڏوگڏ جڏهن جسم جي حصن تي وزن وڌي ٿو ته ساهه کڻڻ واري عمل تي پڻ ناڪاري اثر پون ٿا، جنهن سان کنگهه، ٿولهه ۽ ٻيون بيماريون جنم وٺن ٿيون. ماهرن موجب ڊگهي وقت تائين نشريات ڏسڻ ۽ ڪمپيوٽر تي ڪم ڪرڻ سبب جڏهن  ورزش جو وقت نه ٿو ملي ته ڦڦڙ ڪم ڪرڻ ڇڏي ڏين ٿا، جنهن سان ساهه سان گڏوگڏ ٻيون به ڪيتريون ئي بيماريون جنم وٺن ٿيون، جنهن جا گهڻا متاثر نوجوان ٿين ٿا. طبي ماهرن صلاح ڏني آهي ته ڊگهي وقت تائين ٽي وي ۽ ڪمپيوٽر تي ويهڻ کان پاسو ڪيو وڃي.27

هي به ڏسي سگهو ٿا

ايڇ آءِ وي ۾ ڪراچي پاڪستان جو ٻيو وڏو شهر قرار: سروي رپورٽ

ڪراچي (ويب ڊيسڪ): سروي دوران ملڪ جي جاچ ڪيل 23 شهرن مان 22 ۾ ايڇ …

تبصرو ڪيو

توهان جي اي ميل ايڊريس ظاهر نه ڪئي ويندي