23 پیر , اپریل 2018

عمران خان اقتدار تائين پهچڻ جي لاءِ پاڪستان سان دشمني نه ڪري: طلال چوڌري

اسلام آباد(ويب ڊيسڪ) مسلم ليگ ن جي اڳواڻ طلال چوڌري چيو آهي ته پي ٽي آءِ سربراهه عمران خان اقتدار تائين پهچڻ جي لاءِ پاڪستان سان دشمني نه ڪري، عمران خان ڪيسيتائين  نواز شريف جي مخالفت ۾ پاڪستان جي مخالفت ڪندو رهندو. اسلام آباد ۾ ميڊيا سان ڳالهائيندي طلال چوڌري چيو ته  وزير اعظم هائوس جي ٽيلي فون  ٽيپ ڪرڻ ڪو معمولي الزام ناهي‏، تصوير ڇو ليڪ ٿي؟ ڪنهن ليڪ ڪئي؟ ڪنهن جي چوڻ تي ليڪ ڪئي وئي؟ تصوير جو معاملو ڪڏهن حل ٿيندو، حسين نواز کي به انصاف ملڻ گهرجي. هن چيو ته  جي آءِ ٽي جي دانهن کي سپري ڪورٽ ٻڌي رهي آهي، عمران خان جي زبان سندس ئي عزت کي نه بخشيو ڪير ايترو مقدس آهي جو ان جو نالو ظاهر نه پيو ڪيو وڃي.  عمران ڪڏهن ڪنهن ميڊيا کي ڌمڪائيندو آهي ته ڪڏهن وري بائيڪاٽ ڪندو آهي.  عمران خان چوي ٿو ته رڳو اها ڳالهه ٿيڻ گهرجي جيڪا هو چئي رهيو آهي. هن وڌيڪ چيو ته  عمران خان ميڊيا کي ڊڪٽيٽ ڪرڻ سان اقتدار ۾ نه پهچندو، جي آءِ ٽي پهرين اطمينان جو اظهار ڪيو پر پوءِ ان کي الائي ڇا ٿي ويو. اقتدار تائين پهچڻ جي لاءِ 20 ڪروڙ عوام جي جي آءِ ٽي مان گذرڻو پوندو آهي.

هي به ڏسي سگهو ٿا

پ پ پي آءِ اي جي نيلامي نه ٿيڻ ڏيندي: بلاول ڀٽو زرداري

اسلام آباد (ويب ڊيسڪ) پ پ چيئرمين بلاول ڀٽو زرداري چيو آهي ته پيپلز يونٽي …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے