18 سومر , ڊسمبر 2017

چئمپينز ٽرافي ۾ پاڪستاني امپائر عليم ڊار پنجون ڀيرو فرض سرانجام ڏيندو

Aleem-Dar-Sot-Lhr-03-02-640x480

دبئي(اسپورٽس نيوز) انٽرنيشنل ڪرڪيٽ ڪونسل طرفنا چئمپينز ٽرافي لاءِ امپائرن ۽ ميچ ريفريز جو اعلان ڪري ڇڏيو آهي جنهن ۾ عليم ڊار پنجون ڀيرو ذميواري سنڀاليندو. آءِ سي سي پهرين کان 18 جون تائين ڪارڊف ويلز اسٽيڊيم، ايجبسٽن ۽ اوول ۾ شيڊول چئمپينز ٽرافي ميچز لاءِ آفيشلز جو اعلان ڪري ڇڏيو آهي، اليٽ پينل ۾ شامل ڪرس براڊ، ڊيوڊ بون ۽ اينڊي پائي ڪرافٽ ميچ ريفري جي ذميواري سنڀاليندا، امپائرنگ ڊيوٽي اليٽ پينل آف امپائرز جا 12 آفيشلز پاڻ ۾ ورهائيندا. ان ۾ عليم ڊار، ڪمار دهرما سينا، ماريس ايراسمس، ڪرس گفيني، اي ين گولڊ، رچرڊ ايلنگورٿ، رچرڊ ڪيٽل برو، نائجل لونگ، بروس آڪسفورڊ، سندا رام روي، پال رائفل ۽ روڊ ٽڪر شامل آهن. 2009ع کان 2011 تائين آءِ سي سي امپائر آف دي ايئر جو ايوارڊ حاصل ڪندڙ عليم ڊار پنجون ڀيرو چئمپينز ٽرافي ۾ خدمتون سرانجام ڏيندو، گولڊ جو هي ٽيون ٽورنامينٽ آهي جڏهن ته ڌرما سينا، ايراسمس، ڪيٽل برو، لونگ، آڪسفورڊ ۽ ٽڪر کي ٻيو ڀيرو چئمپينز ٽرافي جو تجربو حاصل ٿيندو، گفيني، ايلنگورٿ، روي ۽ رائفل هن ايونٽ ۾ پهريون ڀيرو ذميواري سرانجام ڏيندا. پاڪستان ۽ بنگلاديش وچ ۾ 27 مئي تي ٿيندڙ وارم اپ ميچ ۾ ڪيٽل برو ۽ رائفل آن فيلڊ، ڌرما سينا، ريزرو ۽ براڊ ميچ ريفري هوندا. آسٽريليا سان گرين شرٽس جي پريڪٽس ميچ ۾ فيلڊ آفيشلز جي ذميواري ڌرما سينا ۽ ايلنگورٿ نڀائيندا، رائفل ريزرو امپائر جڏهن ته براڊ ئي ريفري هوندو. ياد رهي ته ٽورنامينٽ ۾ پاڪستان جي سفر جي شروعات 4 جون تي روايتي حريف ڀارت خلاف مقابلي سان ڪندو، ان ميچ ۾ ريفري اينڊي پائي ڪرافٽ هوندو، آن فيلڊ ايراسمس ۽ ڌرما سينا ڊيوٽي سرانجام ڏيندا، ٿرڊ امپائر رچرڊ ڪيٽل برو ۽ فورٿ آفيشل روڊ ٽڪر هوندا.

هي به ڏسي سگهو ٿا

اسٽيون سمٿ ايشز ۾ وڏي اننگز کيڏندڙ ٽيون آسٽريلوي ڪپتان  بڻجي ويو

پرٿ (اسپورٽس نيوز) آسٽريليا ڪرڪيٽ ٽيم جي ڪپتان ۽ بيٽسمين سمٿ انگلينڊ خلاف ايشز سيريز …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے